📽 Пожар во деловна зграда во Кина: Загинаа најмалку 26 лица

Најмалку 26 лица загинаа во пожар кој денеска зафати деловна зграда во северна Кина, јавуваат државните медиуми.

Пожарот избувнал во четирикатница во градот Лулијанг во провинцијата Шанкси околу 7 часот по локално време.

Fire in Luliang, Shanxi Province has killed 25 people and the casualties were mainly workers https://t.co/vw1dvzuAh0

— Pranjal Mishra 🇮🇳 (@Pranjal_Writes) November 16, 2023

Според медиумите, пожарот е ставен под контрола, а 63 лица се пренесени во болници.

Пожарот избувнал во покраината, која е најголем производител на јаглен во земјата. Во Кина има чести индустриски несреќи кои можат да резултираат со пожари поради слабите безбедносни стандарди, пишува Би-Би-Си.