Најмалку четири лица загинаа во украински ракетен напад врз градот Белгород на југот на Русија, објавија во четвртокот руските медиуми, објавувајќи видео од местото на настанот, пренесува „Ројтерс“.
Руската државна новинска агенција РИА Новости објави дека бил погоден трговски центар. Дописникот на телевизијата „Ѕвезда“ во сопственост на министерството за одбрана јави дека во близина на трговскиот центар „Магнит“ загинале шест лица.
Belgorod under heavy shelling
Residents of the city reports several hit shells, cars were damaged, a shopping center was also damaged. According to preliminary data, at least 10 people were injured, there are dead.
The authorities have not officially commented on the… pic.twitter.com/hHUTgHmx8O
— NEXTA (@nexta_tv) February 15, 2024
На видеото кое го објави „Ѕвезда“, се гледаат лекари од итната помош како трчаат да им помогнат на повредените.
Белгород и околниот регион често беа на удар за време на војната. Руските власти соопштија дека во најголемиот од нив на крајот на декември биле убиени 25 цивили.
Руското министерство за одбрана објави дека неговите системи за противвоздушна одбрана собориле 14 украински ракети над регионот Белгород. „Ројтерс“ не можеше независно да го потврди овој извештај.