Кристијано Роналдо официјално отвори нов хотел во Португалија или поконкретно во главниот град на земјата – Лисабон.
Фудбалерот на Реал Мадрид планира да отвори вкупно четири хотела со инвестиција од 54 милиони британски фунти.
Првиот хотел на спортската ѕвезда се наоѓа во неговиот роден град Фуншал на островот Мадеира, вториот се вика “Pestana CR7 Lisboa” и е во Лисабон, а третиот и четвртиот ќе се во Мадрид и во Њујорк.
31-годишниот Роналдо очигледно одлучил да се обложи на хотелиерството по крајот на активната кариера во фудбалот.
Што се однесува до бутик хотелот “Pestana CR7 Lisboa”, тој е со 4 ѕвездички, располага со 82 соби и со еден луксузен апартман.
Цената за ноќевање со појадок во обична двокреветна соба со големина 18 квадратни метри започнува од 250 евра, а луксузните двокреветни соби со големина од 21 и 26 квадратни метри чинат меѓу 375 и 425 евра.
Видете го хотелот на Кристијано во португалската престолнина во галеријата.