Кривичниот суд го одби барањето на барањето на СЈО за изземање на судијката Лидија Петровска од постапување по обвинителен предлог кој се однесува на седум службени лица од УБК осомничени за фалсификување на службена исправа.

“Во однос на барањето за изземање на судијката Лидија Петровска од постапување по предметот на овој суд XXI К.бр.1905/16, поднесено од страна на Јавно обвнителство за гонење на кривични дела поврзани и кои произлегуваат од содржината на незаконското следење на комуникациите (СЈО), претседателот на Основен суд Скопје 1 – Скопје донесе решение со кое барањето се одбива поради тоа што не се основани причините за изземање на судијата кои СЈО ги навело во своето барање.”-пишува соопштението на судот.
Како што наведе СЈО, постојат околности што предизвикуваат сомневање во нејзината непристрасност во донесување на одлука, од причини што истата судијка се јавува во содржината на јавнообјавените незаконски прислушувани разговори.