Почетокот на двете судења досега неколку пати беше одложувано, поради различни „оправдувања“.
Повторно закажан почетокот на судскиот процес за насилствата во општина Центар во кој првообвинет е поранешниот премиер и актуелен претседател на ВМРО-ДПМНЕ Никола Груевски.
Во исто време во друга судница во истот суд, Основен суд Скопје 1, треба да се појави и актуелниот премиер и прв човек на СДСМ Зоран Заев за случајот „Поткуп”.
На случајот за шамарите во скопската општина Центар е обвинителка Фатиме Фетаи од Специјалното јавно обвинителство, а го води судијката Татјана Михајлова . Фатиме по неколкутте одложувања на почетокот на судскиот процес минатиот пат побара и стражарно приведување на обвинетите.
Апелацискиот суд во Скопје и за овој случај дозволи прислушуваните разговори да се користат како докази, а од истите разговори се слуша како Груевски нарачува насилства и кршење на општина Центар и шамари за тогашниот градоначалник Андреј Жерновски.
Во случајот „Поткуп“ Заев е обвинет за барање поткуп, со експлоатираното видео „ едно за општината другото за вицето, третото за црквата“ За овој предмет сѐ уште не е донесена одлука на повисоките судови за тоа дали снимките од посебните истражни мерки на Груевски , ќе важат како докази. Судијка во овој предмет е Дијана Груевска – Илиевска. Обвинетиот Заев вели дека се работи за монтирана и нецелосна снимка и бара да се објави целата снимка.