„Шпанија е срам за Европа поради начинот на кој се обиде да го скрши референдумот“, изјави владиниот портпарол на областа Каталонија Жорди Туре.
Според последните податоци, најмалку 760 лица настрадаа при обидите на шпанската влада да го спречи референдумот за независност на Каталонија. Турел ги опиша активностите на Граѓанската гарда како „полно дивјаштво“, што ќе доведе до меѓународен скандал.
И покрај нивните активности, односно полицијата успеа да затвори само 319 од вкупно 2.300 гласачки места, милиони луѓе беа во можност да гласаат.
Во меѓувреме, градоначалникот на Барселона Ада Колау побара шпанскиот премиер Маријано Рахој да поднесе оставка поради владините акции против граѓаните на Каталонија.
„Тој е кукавица која се крие зад обвинителите и судовите.
Денес ги премина сите граници со активностите на полицијата против нормални луѓе, стари луѓе, семејства, кои ги бранеа своите основни права “, додава уште Колау.
Околу три милиони луѓе отидоа до избирачките места, за да гласаат на референдумот за независност на Каталонија. Сепак, не сите од нив успеаја да гласаат, бидејќи некои од деловите беа блокирани од шпанската полиција. „Владата проценува дека бројот на граѓаните кои отидоа на референдумот е околу три милиони“, соопштува локално издание.
„Ќе видиме конечниот број, како и колку од нив успеале да се искористат своето право на глас“, изјави извор од Каталонската влада.
Шпанската полиција потврди она што медиумите го разбраа преку социјалните мрежи – дека користеле гумени куршуми и палки против неколку групи демонстранти кои окупираа гласачки места во Барселона. Каталонската влада вети дека Шпанија ќе биде одговорна за своите постапки пред меѓународните судови.
Во меѓувреме, во телевизиско обраќање, шпанскиот премиер Маријано Рахој рече дека референдумот во Каталонија … не се случил.
Немирите во регионот Каталонија дури ги оплакуваа локалните полицајци. Видеото на интернет покажува полициски службеници кои плачат додека ги штитат Каталонците од Граѓанската гарда. Видеото брзо се распространи низ социјалните мрежи.