(ВИДЕО) Се прават напори за санирање на пропаднатото земјиште кај МНР

 

Цистерни на водовод и канализација с уште се наоѓаат пред Министерството за надворешни работи, информира 24Вести.

Дали јавното претпријатие ги исчистило фекалиите од теренот, одговор не успеавме да добиеме од директорот, бидејќи не беше достапен за нашите повици.

Градежниците не дозволуваа пристап за да видиме каква е состојбата. Деновиве има и забрана за возила.

Такстистите губат патници и време, возачите нервозни, но не сите.

Пукнатата главната канализациона мрежа до Факултетот за драмски уметности, носи опасност од одронување на земјиштето, како и рушење на околните градби, велат архитектите. Рангеловиќ Јовановиќ вчера за 24 Вести истакна дека ова е само почетокот на проблемите и објектот во градба го оцени како политички интерес.

Од партијата ДОМ укажуваат дека ваквите ситуации ја покажуваат поврзаноста меѓу екологијата и урбанизацијата.