На тоа Жерновски одговори дека приоритет е да не се изгуби шеталиштето на граѓаните, а за тоа дали е нешто сработено или не, граѓаните наскоро ќе одлучат на избори.
Кога се огласија сопствениците на кафулињата на Кејот дека се против изградба на оваа улица, советниците од ВМРО-ДПМНЕ им порачаа дека не се на партиски митинг.
Совентнците на ВМРО-ДПМНЕ не се изјаснуваа дали се против или за изградба на улицата. Единствено рекоа дека доколку се остави така Кејот ќе немало пристап за Итна помош и Пожарна до зградите и околните кафулиња.
„Има пристап за Итната помош и Пожарната. Поголема е опасноста да згасне живот ако се изгради улица отколку сега“, рече Мануел Тасевски од Здружението на угостители на Кејот.
Советот со 12 гласа за ја донесе одлуката за изглед на градби, а во 15 часот почнува нова седница./А1Он