Американскиот претседател Доналд Трамп во неколку наврати изрази интерес Канада да стане 51-ва држава на САД, изнесувајќи слични идеи и за Гренланд и Панамскиот канал. Оваа негова најава за канадската анексија, кое се поврзува со безбедносни и економски аспекти, предизвика контроверзи и реакција од канадските власти. Канадскиот премиер, Марк Карни, не ја пропушти можноста да ја истакне својата позиција, нагласувајќи дека Канада „не е и никогаш нема да биде на продажба“.
Во текот на кампањата, Карни истакна дека имал можност да разговара со „сопствениците“ на Канада, алудирајќи на канадскиот народ, и со сигурност изјави дека прашањето за евентуално приклучување на Канада кон САД не е отворено за преговори. „Канада не е на продажба. Никогаш нема да биде на продажба, но можноста лежи во партнерството и она што можеме да изградиме заедно“, изјави Карни по средбата со Трамп во Белата куќа.
Canada's Carney: Canada is not for sale, won't be for sale ever.
Trump: Never say never.pic.twitter.com/biadm0xmfA
— Clash Report (@clashreport) May 6, 2025
Трамп, кој ги признава напорите на Канада за зголемување на безбедносните инвестиции, сепак остана упорен во своите ставови. На прашањето дали е можно Канада да стане дел од САД, тој одговори: „Никогаш не вели никогаш“.
Во априлското интервју за „Тајм“, Трамп објасни дека САД „трошат“ значајни средства за поддршка на канадската безбедност, нагласувајќи дека единственото решение е Канада да стане федерална држава. „Ние се грижиме за нивната војска, за секој аспект од нивниот живот, и не ни требаат нивните автомобили, нивните материјали или нивната енергија. Единствениот начин за функционирање е Канада да стане федерална држава“, изјави Трамп.
Одговорот на Карни беше јасен: ставот на Канада нема да се промени. „Со целата почит, ставот на Канаѓаните по прашањето за 51-та држава нема да се промени“, нагласи канадскиот премиер. Оваа размена на изјави доаѓа во време кога односите меѓу двете соседни земји се соочуваат со нови предизвици, но сепак, Канада остава јасно до знаење дека не размислува за приклучување кон САД.