Синоќа дошло до судири меѓу израелската полиција и демонстрантите во Тел Авив откако илјадници луѓе се собрале да протестираат против владата и да побараат враќање на заложниците кои ги држи Хамас во Газа.
Некои демонстранти во Тел Авив носеле фотографии од женските војници кои се појавија на видео на почетокот на неделата, на кое се прикажани кратко откако беа киднапирани за време на нападот на Хамас врз Израел на 7 октомври, објави „Гардијан“.
Некои држеле транспаренти на кои пишувало: „Стоп за војната“ и „Помош“, се наведува. Тие побарале, пишува британскиот медиум, владата да постигне договор за ослободување на десетици заложници кои се уште се во заробеништво.
Tel Aviv has been on fire with protests against Netanyahu, asking for a deal and hostage release.
Police dispersed protestors with wastewater hoses.
The ONLY democracy in the Middle East folks…not even allowing protests. pic.twitter.com/t5zilcEkNN
— Khalissee (@Kahlissee) May 25, 2024
Демонстрантите побарале и оставка од израелскиот премиер Бенјамин Нетанјаху и повикале на нови избори, пишува „Гардијан“.
„Сите го видовме видеото, не можевме да останеме дома откако владата ги напушти сите тие луѓе“, рекла Хилит Саги од групата „Жените протестираат за враќање на сите заложници“, пренесува „Гардијан“.
Cops scuffle with anti-government protesters in Tel Aviv overnight. I'm surprised @israelpolice didn't shoot them all. pic.twitter.com/QmhyImCfOL
— Ron Baumann (@Baumann_Mac) May 26, 2024
Седум лица се уапсени на протестот доцна во саботата, како што се наведува, а најмалку едно лице е повредено, објави израелскиот весник „Харец“. Протести се одржаа и на други места низ земјата, вклучувајќи го и пристаништето Хаифа, пишува весникот.