Единаесет лица загинаа, а повеќе од 50 се повредени денеска во сообраќајна несреќа во северозападна Турција, јавија локалните медиуми.
Во верижниот судир учествувале седум возила, меѓу кои три автобуси и камион на автопатот Северен Мармара во близина на населбата Дагдиби во провинцијата Сакарија, јави новинската агенција Анадолија.
Причината за несреќата се уште не е утврдена, наведува турската агенција. Медиумите јавуваат дека областа е покриена со густа магла и дека видливоста е слаба, што е видливо и на видеата и фотографиите од местото на настанот.
#BREAKING : There was a major accident on a highway in Turkey: 11 people were killed and more than 50 people were injured. According to preliminary data, there are no tourists among them.#Turkey #Accident #highway #Istanbul #Traffic #tourists #Chainaccident pic.twitter.com/tYMlZ8zNSX
— mishikasingh (@mishika_singh) December 28, 2023
Гувернерот на Сакарија, Јашар Карадениз за локалните медиуми изјави дека 57 лица се повредени и пренесени во болница, а седум се во тешка состојба.
„Според првите сознанија, најголем број смртни случаи во несреќата предизвикал третиот автобус кој удрил во патниците кои излегле од возилото. Полицијата е на лице место и истрагата е во тек“, изјави Карадениз, пренесува Хабертурк.