ОДРЕДЕНИ храни како овесна каша, јаткасти плодови и мрсна риба помагаат да се одржи нивото на холестерол под контрола. Имено, не се сите намирници со висо ниво на холестерол лоши за нас. На пример, јајцата се богати со холестерол, но се полни и со протеини и други хранливи материи.
Ова се четирите најлоши видови на храна со висок холестерол, според „Harvard Health“:
Црвено месо
Говедското, свинското и јагнешкото обично се богати со заситени масти. Најмногу маснотии имаат хамбургерите, ребрата, свинските котлети и печените. Не мора целосно да го избегнувате месото, туку јадете го само повремено. Држете се до помалку масни делови како што се свинско филе или филе мињон. Уште подобро, заменете го месото со ниско-заситени масти и протеини богати со холестерол, како што се пилешки или мисиркини гради без кожа, риба и грав.
Пржена храна
Храната натопена во масло од фритеза, како што се пилешки крилца, стапчиња моцарела и прстени од кромид, се меѓу најлошите кога станува збор за холестеролот. Ако ви се допаѓа крцкавоста на пржената храна, користете фритеза и ставете ја храната во малку маслиново масло или печете јадења како компири и пилешко на висока температура додека не поруменат.
Преработено месо
Виршлите, колбасите и сланината ги користат најдебелите парчиња црвено месо и затоа имаат високо ниво на холестерол и заситени масти. Сланина и колбаси направени од мисирка или пилешко може да изгледаат поздрави и имаат малку понизок холестерол од верзиите со црвено месо, но тие не се без холестерол.
Пецива и слатки
Колачињата, тортите и пецивата често се прават со големи количини путер, шеќер и разни кремови, што ги прави висок ризик кога станува збор за холестерол. Не мора целосно да се откажете од десертот, само направете некои промени во видовите на храна што ја користите, како што се поздрави извори на масти или засладувачи.