Понекогаш љубовта е навистина слепа, а во некои случаи свесно избираме да игнорираме некои лоши особини на нашите партнери.
Меѓутоа, кога ќе дојде време да одлучите што да правите следно, треба да застанете и внимателно да размислите.
Единственото прашање што можете да си го поставите е: Дали е тој човекот со кој сакам да бидам до крајот на мојот живот?
А ако ги прашате жените, тие издвојуваат седум типа на мажи кои треба да се избегнуваат:
1. Вампир – живее на ваша сметка
Тој е секогаш тука за вас и секогаш можете да сметате на него. Но, тој живее кај вас, целосно бесплатно. Не плаќа кирија, не плаќа кредит и никогаш не плаќа кафе или вечера. Иако е убаво што е психички тука за вас, би било добро да знаете дека можете да се потпрете на него дури и кога работите од реалниот живот се во прашање. Ако е мрзелив, не сака да работи и ви дозволува да плаќате за се, со текот на времето ќе ви биде потешко, особено кога на дневен ред ќе дојдат бракот и децата. Да се остане со него на долг рок е грешка затоа што заслужувате подобро.
2. Дечко на кој не му е добро
Имал лошо детство, лош живот тогаш, сега, секогаш е лошо… Никогаш не се чувствува добро психички. Можеби сакате да му помогнете и да му бидете пријател, но ако останете со таков тип во долга врска, тоа значи дека и вие секојдневно ќе се чувствувате лошо бидејќи тоа го проектира овој маж. Нему му треба простор да расте, учи и сам да се развива. Не можете да го промените.
Тој самиот мора да разбере дека најголемата промена е тој самиот, и само кога самиот ќе почне да се грижи за својот живот и да ги менува своите мисли и постапки, тогаш ќе биде подобар. Тоа никој не може да му го всади, тој самиот мора да го разбере. Ако останете со него, со текот на времето ќе почнете да се чувствувате полошо. Зарем не е поприродно да се биде со некој кој ве прави среќни, инспирира и поддржува да бидете најдобри што можете?
3. Утешна награда
Не го сакате колку што треба, но доволно за да можете да го толерирате. Знаете дека тој не е твојот „вистински“, но не е ниту „оној лошиот“. Жените често ги прават овие грешки поради недостаток на самодоверба, но ако чувствувате дека навистина не е „тој“, не мора да останете во таа врска. Вие заслужувате да бидете навистина среќни.
4. Дечко кој навидум е совршен
Се чини дека тој има се. Факсот е завршен. Одлична работа. Неговото семејство е прекрасно. Тој е убав, шармантен, паметен, начитан. Но – нема хемија. Не се мачете и да се обидувате со надеж дека хемијата ќе се разбуди. Вие не избирате кого ќе сакате. Следете го своето срце и напуштете го овој „брод“ ако не ве привлекува и ако срцето не ви игра поради него.
5. Заводник и шармер
Не е важно каква работа работи. Тој го има тоа „нешто“. Насмевка, главата навалена на страна, ефективни перформанси. Тој знае што има и го користи. Тој е убав и поради него заборавате на сите ваши проблеми. Но, веројатно така мислат сите други жени околу него.
Тој е шармер, заводник и шансите долгата врска со него да биде успешна се прилично мали. Иако е добро секогаш покрај себе да имате некој со висока самодоверба и шарм, потребна ви е и лојалност, верност и искреност.
6. Работохолик
Сите негови пари нема да ви значат ништо за 15 години. Кога имаш деца и ти треба помош. Кога сакате спомени од заеднички вечери и ручеци. Кога сакате да биде присутен кога детето ќе прооди, падне, се лула, носи куче дома… Нема да биде таму. Тој ќе биде на работа.
Иако поради неговата работа можете да си дозволите се на светот, доколку не сакате да бидете самохрана мајка во брак, размислете двапати. Сакате сопруг со кој ќе можете да го споделите вашиот живот, а не само паричникот. Работата секогаш ќе му биде најважна, бидејќи тој така избрал.
7. Бунтовник
Овој тип претставува најголем ризик за среќна иднина. Тој ќе ве воодушеви со неговата личност, страст, знаење, со него ќе го доживеете она што не сте со никој друг. Но, бунтовник, на кој ништо не му одговара и на овој свет ништо не му чини, а таа непријатна ситуација најчесто се решава со алкохол или дрога… Тоа не е тип со кој можеш да имаш среќна и мирна иднина. За такво нешто ви треба момче на кое можете да се потпрете и на кое секогаш можете да сметате.