Новак Ѓоковиќ на Инстаграм објави разговор што го имаше со д-р Драган Иванов, специјалист по интерна медицина и професор на Високата школа за образование на педагози во Нови Сад.
Како и секој пат, Србинот откри некои нови работи од неговиот живот, и откри дека применува автофагија, односно дека веќе една и пол година не јаде по 16 часа.
Потоа објасни зошто го прави тоа.
– Би сакал да се осврнам на темата автофагија. Колку и да е важно, овој вид на пост 16 – 8 е популарен, вие не јадете 16 часа, јадете осум часа, тоа е она што го применувам. Во последните година и половина, колку што вежбам, чувствував многу подобрувања во дигестивниот систем, подобро спијам, имам повеќе енергија во текот на денот, имам помалку од тие падови – рече Ѓоковиќ.
Иванов потоа објасни што значи автофагија.
– После 12 до 16 часа гладување, докажано е дека се активира процес во нашето тело, кој јапонски лауреат на Нобеловата награда го нарече автофагија, а тоа е процес кој има лековито дејство врз целото тело, нашите емоции, нашата душа и тело и има превентивен ефект.
– Што е автофагија? Ако не внесуваме ништо 12 часа, нашиот мозок гледа каде може да најде резерва. Потоа тој наоѓа микроорганизам, патогена бактерија и ја уништува и рециклира, потоа наоѓа мутирана клетка и тој прави дополнителна енергија од распаднатите материјали, така што имаме дополнително гориво, затоа што имавме клетки и структури кои биле нефункционални, а тој ја зема таа ќелија за да создаде нови млади, здрави клетки.
– Ако ручаме во два или три часот попладне, автофагијата се активира во два до три часот по полноќ и тоа ќе го исчисти нашиот организам од микроорганизми, атеросклеротични наслаги на sидовите на крвните садови, од малигни клетки. Ќе го исчисти нашиот организам и ќе подготви гориво за следниот ден, но мора да помине од 12 до 16 часа – рече Иванов.