Свршеницата на основачот на Викиликс, Џулијан Асанж, за прв пат зборуваше за тоа како таа успеа да роди две деца со него додека тој беше затворен во амбасадата на Еквадор во Лондон.
Јужноафриканската адвокатка Стела Морис (37) се за љубила во Асанж (48) во 2015 година, кога го посетила заради законскиот обид да ја запре неговата екстрадиција во САД, пренесува Дејли Мејл.
Габриел, кој сега има три години и едногодишниот Макс се родиле додека Асанж бил во амбасадата на Еквадор, каде добил политички азил во 2012 година, што траело до минатиот април, кога беше уапсен.
Морис вели дека е среќна што го запознала Асанж кој го „смени светот“ со Викиликс.
– Станавме пријатели и гледавме филмови заедно и јас само сакав да поминувам време со него. Беше многу романтично и слатко. Не беше лесно, но кога сте со некој што го сакате, можете да направите да ги направите возможни и невозможните ситуации – рече таа за шоуто „60 минути“.
Кога забременила со Габриел, Асанж бил во амбасадата четири години и се верувало дека е под постојан видео надзор. Сепак, Морис, која се верила со Асанж во 2017 година, вели дека нејзините синови биле зачнати во просторија што не била покриена со камери.
– Џулијан имаше свој приватен простор, неговата соба и канцеларија немаа камери – изјави таа.
Морис откри дека таа и Асанж го ангажирале нивниот пријател Стивен Ху за да се претстави како татко на децата. Ху редовно ги носел Габриел и Макс во амбасадата за да го посетат неговиот татко. Морис никогаш не дошол во амбасадата во исто време со децата.
Тој тврди дека некои луѓе во амбасадата се сомневале дали Асанж навистина бил татко на децата, па еден член на обезбедувањето, наводно, планирал да украде пелена на Габриел за да направи ДНК тест.
Како што додаде, таа имала поддршка од родителите на Асанж, Кристина и Џон Асанж.