Десет починати и 392 заразени во последните 24 часа во Србија

Во последните 24 часа во Србија, од коронавирусот починаа уште 10 лица, додека заразени се 392 лица.

Бројот на лица на респиратори е зголемен на 184 пациенти.

Во последните 24 часа биле тестирани вкупно 9.910 лица.

Бројот на хоспитализирани лица е 4.716.

Српскиот министер за здравство Лончар рече дека „сигурно ќе има проблеми во Белград и Нови Сад за уште еден ден или два, заради протестите“, и дека најголеми проблеми има во овие два града.

Лончар исто така рече дека 629 здравствени работници се разболеле од ковид 19.

Денес стапија на сила нови мерки во Србија: забрана за собирање повеќе од десет лица, задолжително носење маска на сите јавни места, оддалеченост од најмалку 1,5 метри.

Воведена е вонредна состојба во Бујановац и Смедерево.