Кетрин и Џеф Карлтон од Арлингтон, Тексас, почувствуваа што значи вистински страв кога нивните синови се тестирани позитивно на коронавирусот.
„Ова е нашиот најголем страв од март. Скоти има голем број на сериозни здравствени проблеми што го прават ранлив. Ако има студ надвор, Скоти ќе се разболи”, рече Џеф Карлтон, кој работи како директор за медиуми и комуникации на УТ во Арлингтон.
Неговата сопруга изјави за Си-Ен-Ен дека короната за нивниот син со попреченост може да биде смртна казна и дека тие биле свесни за тоа во текот на пандемијата.
Ден откако Скоти се разболе, позитивен резултат на ковид-19 пристигна и за нивниот син Џефри (9), кај кој зголемената температура ја најавила болеста. Медицинска сестра која се грижи за постарото момче исто така се разболела.
Кетрин и Џеф се во куќна изолација со своите синови и ќерката Џен. Ниту тие, ниту девојчето немаат симптоми, но не дозволуваат најмалото дете да оди кај бабите и дедовците кои живеат близу нив, плашејќи се дека таа може да биде асимптоматска.
Кетрин рече дека во исто време сака да се разболи кога нејзините деца се болни, а од друга страна е свесна дека не би можела да се грижи за нив кога ќе се влоши нејзината здравствена состојба. Џеф посочи дека ќе биде најлошо за сите доколку неговата сопруга и тој се заразат.
Во интервју за „Си-Ен-Ен“, тие споменаа дека симптомите кај момчињата сè уште траат, иако нивната состојба се подобрува, тие се борат со компликации, како што ги нарекоа. Скоти продолжува да повраќа и користи дополнителен кислород, а Џефри има ослабено чувство за мирис и вкус неколку дена, имал треска и бил уморен.
Она што најмногу ги загрижува се мистериозните главоболки кај Џефри кои се појавуваат одеднаш, се многу интензивни и траат 15 минути.
Ќе треба да поминат 24 дена во карантин, рекоа дека се добро опремени и им се заблагодарија на лекарите за помошта. Тие истакнаа дека дезинформациите умееле да ги обесхрабрат, па затоа рекоа дека затоа треба да се слушаат само експерти.