„Србија не се вооружува за да нападне и да се бори со некого, туку да го зачува мирот и стабилноста, кои се највисоки вредности за нас“, изјавил денеска претседателот на Србија, Александар Вучиќ.
На прашањето како го коментира фактот дека Албанците исто така купиле беспилотни летала како оние што ги има САД, Вучиќ како гостин на телевизија Пинк рекол дека тие не се баш слични на оние што ги купиле и дека Албанија само ги нарача леталата кои нема да пристигнат до крајот на 2022 година.
„А, дури ние што ќе имаме до крајот на 2022 година … Луѓето не треба да се грижат. Но, ние не се вооружуваме за да бидеме во војна со никого, туку да го зачуваме мирот и стабилноста и спокојството на нашиот народ“, изјави Вучиќ.
Тој вели дека жените во Србија тоа добро го разбираат дека не треба да се грижат за своите синови, сопрузи и татковци.
Вучиќ додава дека во 1999 година беше многу полесно да се донесе одлука да се нападне Србија, бидејќи економијата била уништена и имале застарено оружје, кое сè уште ги соборило нивните авиони.
„Србија денес е многу посериозно вооружена и понатаму ќе биде. Тоа е резултат на забрзаниот економски раст и паметната политика што ја избравме“, истакнал Вучиќ.