Приватниот живот на Дритан Абазовиќ, лидерот на граѓанската коалиција „Црно на бело“, е скоро вистинска мистерија за црногорската и регионалната јавност. Познато е дека има тројца браќа и сестра, а неодамна на социјалните мрежи објавил старо видео од неговиот татко како се радува во кафеана, откривајќи дека го нарекува „Биг Џо“.
„Улцињските боеми и татко ми Биг Џо“, напишал Дритан и додал:
„Убаво сеќавање на некои златни времиња“.
Дритан Абазовиќ (35) се најде во центарот на вниманието на јавноста по објавувањето на изборните резултати во Црна Гора, бидејќи неговата партија се сметала за клучен фактор за формирање нова влада.
Роден е во Улцињ во декември 1985 година, а овој млад Албанец е во политичките води повеќе од една деценија.
Тој бил еден од основачите на политичката партија Позитивна Црна Гора во 2012 година, која тогаш освои седум места, а Абазовиќ стана најмладиот член на тоа свикување на Парламентот на Црна Гора. По поделбата во партијата, во 2014 година, Абазовиќ ја напуштил Позитивна Црна Гора и функционирал како независен пратеник до 2015 година, кога влегол во новооснованата УРА.
Otac Dritana Abazovića u sevdahu pic.twitter.com/FLJY3CI49H
— Акакије Акакијевич (@basxmacxkin) September 12, 2020
Додека бил во собраниските клупи, тој го привлекол вниманието на многумина кога тогашниот премиер Мило Ѓукановиќ, за време на расправијата за „милионски заеми земени од компаниите на Ѓукановиќ“, го нарекол „насилник“.
Абазовиќ секогаш ја пропагиралидејата за мултикултурализам, од која не се откажа ниту во кампањата. Тогаш тој објасни зошто некогаш бил нарекуван „албански четник“.
Сестрата и братот на Дритан Абазовиќ се специјалисти по медицина и живеат во Белград, каде градат завидна професионална кариера.
Абазовиќ има уште двајца браќа кои живеат во Сараево.
Завршил Факултет за политички науки на Универзитетот во Сараево, каде ги завршил своите четиригодишни студии за рекордни две и пол години.