Албанија денес ја започна кампањата за вакцинација против новиот коронавирус, што првично ќе се спроведува на стадионот „Ер Албанија“ во Тирана.
Албанскиот премиер Еди Рама и министерката за здравство и социјална помош Огерта Манастирлиу на прес-конференција го најавија почетокот на кампањата.
Рама, второто лице во Албанија што ја прими вакцината, рече дека денес е посебен ден затоа што земјата започнува кампања за вакцинација против КОВИД-19.
„Чувствувам олеснување, не само што успеавме да ги добиеме првите 500.000 дози од вакцината на Фајзер во нималку лесни услови, туку и се осигуривме дека вакцинацијата ќе започне пред време благодарение на билатералните односи“, рече Рама.
Тој нагласи дека албанските власти успеале директно да контактираат со Фајзер и дека истовремено биле отворени уште четири билатерални канали со четири земји.
Фото: Ројтерс