267
Откако ја погледнав снимката, одлучив да го ослободам Илија Несторовски за мечот со Германија, соопшти селекторот на македонската фудбалска репрезентација, Игор Ангеловски.
„Драго ми е што се извини и што даде свое објаснување зошто го направил тоа, но такво однесување од репрезентативец не може да помине несанкционирано, затоа е ослободен од обврските за следниот натпревар со Германија”, додаде Ангеловски.
Македонија синоќа славеше против Лихтенштајн во квалификациите за СП 2022, а на самиот крај Несторовски, кој беше стрелец на петтиот гол упати пцовки во камерата.