„Се работи за нормална, логична смена на генерации, дел од таа смена на генерации е и мојата позиција јас сум најавил до два мандати премиер согласно тоа и претседател на СДСМ. Секако добив чест на непосредни избори во март за втор мандат од премиерскиот дел а третиот мандат претседател на партија“, изјавил претседателот на СДСМ и премиер Зоран Заев во гостувањето на дневникот на Јавниот сервис.
Според него, сработија многу овие луѓе кои веќе не се на позиции, имаат сериозни државни позиции и имаат многу што да сработат.
Претседателот на СДСМ детално објасни дека во новите високи партиски органи доминираат младите и тоа ја дава потгребната нова енергија, но досегашните кадри уште многу ќе придонесуваат за успесите и на партијата и на државата.
„Досегашните високи функционери се мои добри другари и тие продолжуваат заедно да работат, Радмила Шекеринска во Министерството за одбрана и тоа како има уште многу што да работиме со Армијата, членството во НАТО е сериозен успех којшто го постигнавме под нејзино раководство на одбраната. Но, нашата Армија во издигнувањето на нејзиното достоинство, дигнитет, операбилност, подготвеност е нешто на кое што уште многу што да работиме. Коста Петров е директор на Фондот за иновации и технолошки развој, Мухамед Зеќири генерален секретар на Влада и таму има многу задачи и работа“, заклучи Заев.