Партијата „Демократска Бугарија“ го повика бугарскиот парламент да најде решение за кризата во односите со Северна Македонија.
„Ние во овој парламент мора да го браниме бугарскиот национален интерес, да најдеме решение за проблемот со Република Северна Македонија. Ние мора да ја браниме вистината, но мора да најдеме начин заедно да станеме членови на европското семејство“, рече Христо Иванов на седницата.
Односите со Северна Македонија се еден од главните приоритети на нашата надворешна политика, но засега нема брз чекор напред. Бугарија не ја одобрува рамката на преговорите на Скопје поради постојаната историска манипулација и говорот на омраза, со построг став кон Скопје, поддржан од скоро сите поголеми партии.
За поумерена позиција се „Демократска Бугарија“ и ДПС, а неодамна и ГЕРБ. Откако кабинетот на Бојко Борисов ја разгоре кризата, Борисов изненадувачки повика во изборната кампања, Скопје брзо да влезе во ЕУ, пишува „Медијапул“.
Најголемата парламентарна партија, „Има таков народ“, во повеќе наврати потврди дека нема намера да прави никакви компромиси со Скопје. Ова е, исто така, став на претседателот на земјата – Румен Радев.