Петровска: Работев домаќински и одговорно, затоа после 4 години можам да ги погледнам битолчани во очи

„Општината пред четири години ја наследив со долг од 12 милиони евра од кои, 4,3 милиони за образовните институции, но и покрај тоа од самиот почеток не само што исплаќавме, туку и градевме“, изјави градоначалничката на Битола Наташа Петровска на граѓанската трибина на СДСМ „Најдоброто за нашата општина“ во Битола.

Според нејзините зборови, „после 4 години им гледам на Битолчани во очи, бидејќи работевме чесно, домаќински и одговорно“.

Меѓу капиталните проекти, градоначалничката на Битола ја издвои реконструкцијата на Офицерскиот дом, како гордост на градот, како и киното Манаки.

„Општина Битола, како единствена општина во државата во време на пандемија издвои 100.000 евра за здравствените институции“, истакна Петровска.