Два случаи на инфекција со „омикрон“ се идентификувани во Обединетото Кралство, која воведува задолжителен ПЦР тест за сите кои пристигнуваат, а два случаи беа потврдени од Германија во саботата, бидејќи загриженоста се шири низ Европа поради новата варијанта на Ковид-19 која веќе го стопира патувањето во Јужна Африка, каде што е откриен новиот вид.
До овие нови случаи, омикрон, како што експертите на Светската здравствена организација (СЗО) ја нарекоа новата варијанта во петокот, беше идентификуван во Јужна Африка, Боцвана, Хонг Конг, Израел и Белгија.
„Во Обединетото Кралство се идентификувани два случаи на ковид-19 кои вклучуваат мутации компатибилни со Б.1.1.529“, соопшти британското Министерство за здравство.
Овие „два британски случаи на варијантата омикрон“ беа поврзани и идентификувани по „патување во Јужна Африка“, се наведува.
Носењето маска ќе биде задолжително во продавниците и во јавниот превоз во Велика Британија, најави премиерот Борис Џонсон.
Поради новата варијанта, „бараме секој што ќе влезе на територијата на Обединетото Кралство да има резултат од ПЦР тест два дена по пристигнувањето“ и да биде во изолација додека не го добие резултатот“, рече тој.
Досега во Обединетото Кралство требаше тест за антиген два дена по пристигнувањето за патниците и не е потребна изолација додека се чекаат резултатите, додаде новинската агенција АФП.
Сите контакти на лице кај кое ќе биде потврдена „омикрон“ ќе мора да се самоизолираат.
Германија, исто така, ги потврди првите два случаи на инфекција со омикрон кај две лица во Минхен, објави баварскиот министер за здравство.
Две лица потврдено дека се заразени со омикрон пристигнале во Германија со авион од Јужна Африка на 24 ноември, објави министерот Клаус Холечек.
Во петокот, првиот случај беше откриен во Белгија кај млади патници кои пристигнаа од Египет преку Турција.
Земјите-членки на ЕУ во петокот се согласија привремено да го прекинат патувањето од Јужна Африка во ЕУ по откривањето на нова варијанта на коронавирусот.
Комитетот, кој ги обединува здравствените работници од 27-те земји-членки, ги повика и сите земји-членки да ги тестираат сите патници кои доаѓаат од таа земја и да пропишат задолжителен карантин.
Шеесет и еден од околу 600 патници кои пристигнаа на аеродромот Шипхол во Амстердам од Јоханесбург беа ставени во изолација во петокот.
Доаѓањето на новата варијанта во Европа се случува во време кога континентот веќе се соочува со експлозија на зараза и зајакнување на санитарните мерки.
Стравувањата од новиот вид веќе ја урнаа цената на нафтата и петокот беше најлошиот ден во последните 17 месеци, покажуваат податоците на берзата.
Голем број фармацевтски компании објавија дека работат на прилагодување на вакцината на новата загрижувачка варијанта на коронавирусот.
Новата вакцина би можела да биде „многу брзо“ развиена, според британскиот научник Ендрју Полард, директор на групата Оксфорд, кој го предводеше истражувањето за вакцината „Оксфорд / АстраЗенека“.
Полард смета дека е „исклучително невозможно“ оваа варијанта силно да се прошири кај вакцинираната популација.
И AstraZeneca како и сродните производители како што се Pfizer / BioNTech, Moderna и Novavax изразија верување дека се способни да го победат омикрон.
Скоро 54 отсто од светското население примило најмалку една доза вакцина против Ковид-19, но во земјите со ниски приходи процентот е само 5,6 отсто, според „Our World in Data“.
Во Јужна Африка, африканската земја најмногу погодена од Ковид, само 23,8 отсто од населението се целосно вакцинирани.