Кралот Чарлс го слави својот 74-ти роденден, негов прв роденден како монарх.
Не се планирани јавни ангажмани и се очекува кралот да слави со семејството.
Во овој момент од неговото владеење, прерано е да се даваат какви било најави за тоа дали кралот Чарлс, во согласност со традицијата, официјално ќе го прослави својот роденден на лето.
Од 1700 година, монарсите кои не се родени во лето прославуваат уште еден роденден, обележан со традиционалната парада наречена Trooping the Colour.
Официјалната прослава на роденденот на кралицата Елизабета Втора секогаш се организира во втората сабота во јуни, но засега не е потврдено дали новиот крал ќе слави на ист начин.
Иако кралот Чарлс нема официјални ангажмани за овој ден, неговиот прв роденден како монарх во понеделник ќе го одбележи Оркестарот на британската коњаница, кој ќе ја изведе песната Today is a Wonderful Day for us, за време на смената на гардата во Бакингемската Палата.