Претседателот на Демократската унија за интеграција, г-дин Али Ахмети денеска во Скопје се сретна со претседателот на Република Албанија, г-дин Бајрам Бегај кој престојува во Скопје во рамки на Процесот „Бердо-Бриони“.
Билатералните односи, евроинтеграциите, меѓусебната поддршка и процесот на уставните измени биле дел од разговорот на средбата меѓу Ахмети и Бегај.
Соработката меѓу двете земји е оценета на високо ниво во сите сфери, без отворени прашања.
Република Северна Македонија и Република Албанија веќе спроведуваат многу проекти заедно, вклучително и оние од економската и инфраструктурната сфера како што се Сувото пристаниште во Струга, заедничката гранична контрола, железницата што ќе ги поврзува двете земји, како и Коридорот 8.
Како особено важен е оценет патот на евроинтеграциите што го следат Скопје и Тирана.
Нашите две земји ги започнаа преговорите за членство во Европската Унија, а меѓусебната поддршка е повеќе од неопходна во овој клучен процес.
Дел од разговорот на оваа средба беше и процесот на уставнитр измени на кој претседателот Ахмети го информираше претседателот Бегај за сите досегашни прогреси и иницијативи, вклучително и формирањето на европскиот фронт.