Четири лица биле избодени со нож кога воз запрел на станица во Токио, јавуваат јапонските медиуми.
Настраданите се пренесени во болница и, како што се знае, нивните животи не се во опасност.
Осомничената е жена на 20-годишна возраст, која е видена како држи нож во возот, а подоцна е приведена, соопштија властите.
#BREAKING #Japan Knife attack reported on a Tokyo subway train; a woman detained on suspicion of the crime.https://t.co/hq67AK2ahy pic.twitter.com/kAujnFSy5I
— The National Independent (@NationalIndNews) January 3, 2024
Инцидентот се случил на една од најкористените рути во јапонската престолнина, а сообраќајот на предметниот воз накратко бил во прекин.
Патниците во возот веднаш ги активирале копчињата за итни случаи поставени во вагонот и на платформата на станицата Акихабара кога возот пристигнал, а персоналот на станицата повикал полиција околу 22.55 часот по локално време.
Осомничената била совладана од патници во возот и предадена на полицијата, додаваат од полицијата.
Жената била уапсена и, според новинската агенција „Кјодо“, го признала тоа што го направила, велејќи дека „имала намера да убие некого“, соопшти полицијата.