240
Вашингтон го поддржува суверенитетот на Молдавија, изјави портпаролот на Стејт департментот Метју Милер, пренесоа светските агенции.
Поддршката дојде како одговор на повикот на властите во прорускиот сепаратистички регион Придњестровје до Русија за „заштитни мерки“, упатен претходно денеска, поради внатрешните тензии влошени од конфликтот во соседна Украина.
„САД силно го поддржуваат суверенитетот и територијалниот интегритет на Молдавија во нејзините меѓународно признати граници“, рече Милер.