Пожар во близина на железничката пруга во Кисела Вода

Во близина на железничка станица и кај автобуската станица во Скопје, според информаците на ЦУК, гори запалена сува трева меѓу праговите на железничката пруга. На терен се екипите на противпожарната бригада на Град Скопје.

– Бригада за противпожарна заштита (БППЗ) интервенира и поради запалено ѓубре и сува трева на Качанички Пат кај Визбегово, соопшти ЦУК.

Пет пожарникари со две противпожарни возила денеска, од 12:00 часот, интервенираат на пожар на неутврдена површина во атарот на селата Соње и Добри Дол, во Општина Сопиште. Со пожарот е зафатена ниска вегетација, а од ЦУК нагласуваат дека во моментов ситуацијата е под контрола.

Од ЦУК информираат дека пожарите се гаснат од воздух и од земја.

Фото: Принтскрин ТВ 21