5
Белорускиот претседател Александар Лукашенко помилува 31 украински државјанин, објави новинската агенција БелТА, повикувајќи се на портпаролката на претседателот Наталија Ајсмонт.
„По постигнатите договори меѓу американскиот претседател Доналд Трамп и претседателот на Република Белорусија Александар Лукашенко, на барање на украинската страна и со цел да се создадат услови за решавање на вооружениот конфликт во соседната земја, претседателот, воден од принципите на хуманизмот и како гест на добра волја, помилува 31 граѓанин на Украина кои извршиле кривични дела на територијата на нашата земја“, рече Ајсмонт.
„Буквално сега, во овие минути, се одвива нивното предавање на украинската страна“, додаде таа.