Како Влада водиме јасно определена про-семејна политика, политика која подразбира брак, деца, затоа што тоа е иднината на државата и иднината на нацијата. Се останато претставуваат вредности кои, со сиот ризик повторно да бидам критикуван, оваа влада не може да ги промовира. Оваа Влада ќе промовира секогаш про-семејни вредности, вредности за кои што мислиме дека претставуваат основа и темел на една нација и една држава, изјави денекса премиерот Христијан Мицкоски кој присуствуваше на отварање на доградениот дел на градинката во Општина Карбинци.
Тој додаде дека ги имаат зголемено и бројот на ин витро процедури, односно од три на шест, а сега продолжуваат со отворање на нови градинки и елиминирање на листата за чекање, нешто на што, како што рече „се обврзавме во програмата“.