Топлите денови веќе ни дојода, па мора да се размислува за својата фигура, која сè појасно ќе се гледа за време на пролетно-летната сезона. Една од најпроблематичните области кај голем дел од жените е стомакот. Ако и вие се вбројувате во овој процент од дамите и сонувате за потенка половина, добрата вест е дека не треба да гладувате за да дојдете до неа.
Доволно е само да се храните со соодветната храна. Оние за кои ќе прочитате подолу се борат против мастите и го подобруваат вашето здравје. На овој начин тие ќе ви помогнат да ја одржите посакуваната тежина, да се борите со воспаленијата во телото и да го стимулирате имунитетот.
Еве и кои се храните на кои треба да нагласувате, за да имате помала половина:
1. Цвекло
За него се знае дека има силни антиоксидантни својства и дека ги проширува крвните садови и на тој начин испорачува повеќе кислород кон ангажираните мускули. Добрата вест е дека во една чаша репка се содржат 75 калории и 3,5 грама влакна.
2. Авокадо
Добрите масти во него му помагаат на кардиоваскуларниот систем на човекот, но и се одразуваат одлично на неговото тело. Резултатите од различни студии покажуваат дека авокадото го помага слабеењето и намалувањето на обемот на телото. Во една петтина од овој во просек голем плод содржи 50 калории и многу витамини и минерали.
3. Тиква
Чаша варена тиква е извор на 50 калории, 2 грама протеини и 3 грама растителни влакна. Тиквата исто така, обезбедува повеќе од 20 витамини, минерали, влакна и корисни антиоксиданси. Таа содржи уште витамин Ц, железо, цинк и калиум. Освен тоа тиквата може да ви обезбеди повеќе од 100% од дневните потреби на витамин А.
4. Карфиол
Тој, исто како брокулите, кељот и бриселското зелје, содржи антиоксиданси, благодарение на кои ќе избегнете воспаленија во телото. Другото убаво е дека во карфиолот се содржат помалку калории – само 27 во една чаша. Тој е богат и со витамини А, Ц, влакна и витамини В.
5. Јаболка
Познато е дека во овие вкусни плодови се содржат многу влакна и антиоксиданти. Тие се одличен избор, што се однесува до намалување на големината на половината и подобрување на здравјето на срцето.
6. Цитруси
Циртусните плодови се со ниска енергетска густина – тие обезбедуваат релативно мал број на калории за обемот на една порција. Ако изедете некое од овие овошја пред оброк, тоа ќе ви помогне да консумирате помалку храна во целина и на тој начин ќе го намалите калорискиот прием. Во цитрусите има многу хранливи материи – влакна, витамин Ц, фолна киселина, калиум и други.