ВМРО-БНД бара оставка на директорот на директорат “Бугарско државјанство” во Министерството за правда, поради одбиени бугарски државјанства на Македонци.

Тоа го прочита од името на парламентарна група Јулијан Ангелов од ПГ на ПФ, пренесе “Фокус”.

“Ако на некој службеник не му е јасно дека луѓето од Македонија се од бугарско потекло, тој нема работа во бугарската државна администрација. Тој е национален предавник. Бараме итно да се реши овој проблем, во спротивно ќе ги преземеме сите законски мерки кон овие институции и вработени “, изјави тој.

Според него, Бугарите зад граница ја загрозуваат националната безбедност според бугарските служби. “Интересно е дека секој месец стотици турски граѓани добија бугарски државјанства на основа родител кој има такво. Тие не ја загрозуваат националната безбедност, за нив нема проблем. На нив не им се одбиени. Во модерна Турција управувана од Ердоган, која покажува дека има претензии кон Балканскиот Полуостров, кој осе менува од секуларна држава во исламска, за таква бугарските служби се согласи нивни граѓани да добиваат бугарско државјанство “, рече тој.

За Македонија!- Што и кажа Заев на Могерини?

Ангелов беше категоричен дека за бугарските служби не е проблем турски граѓани да добиваат бугарско граѓанско, но на Бугарите во Македонија или Романија е проблем.

“Бараме и пред Владата и пред Министерството за правда да не ги толкуваат законите, за кои не им е работа, туку да ги применуваат”, повика уште народниот претставник.

“Започнуваме од денес да бараме оставки. Првата, која сакаме е да биде суспендиран директорот на Дирекцијата “Бугарско државјанство” во Министерството за правда “, изјави уште Ангелов.