Човек облечен во костум на „Зоро“ е задржан по лажната тревога за пукотници на меѓународниот аеродром во Лос Анџелес, јави ДПА.
Се уште не е јасно дали задржаниот е поврзан со лажната тревога. Полицијата го натерала да легне на подот и го уапсила „Зоро“ откако тој мафтал со пластичен меч. Задржаниот е актер, кој требало да отпатува во Лас Вегас.
Претходно денеска се појавија непотврдени информации дека се слушнати истрели, што ги уплаши стотиците патници, кои побрзаа да ја напуштат зградата на аеродромот. Некои од нив излегоа и на пистата.
– Паниката избувна само поради силни звуци. Се проверува од што била причинета бучавата, изјави претходно Енди Нимен, портпарол на полицијата на Лос Анџелес.
BREAKING NEWS: Before things got really crazy – a man in a Zorro costume with a plastic sword was arrested. #LAX pic.twitter.com/hIOUykdog5
— Nebeel (@hyp3rfr3ak) August 29, 2016
Претходно, од безбедносни причини, полицијата затвори дел од аеродромот и го запре сообраќајот кон централниот терминал.
Откако стана јасно дека немало пукање, луѓето почнаа да се враќаат на аеродромот, штом тој почна однови да работи./МИА