Повеќе од 1,3 милиони денари се собрани на денешната донаторска акција што по шести пат ја организира Фондацијата Трајче Мукаетов.
Собраните средства ќе бидат донирани за лекување на 18 месечно бебе на вработен во компанијата на кое му е дијагностицирана исклучително ретка болест ембриобластен тумор на мозокот.
Генералниот директор на „Алкалоид“, Живко Мукаетов вели дека денеска се собрало целото алкалоидово семејство да придонесе за лекувањето на бебето.
– Да молиме бога дека тоа ќе оздрави, ќе продолжи да расте и еден ден можеби ќе биде дел од „Алкалоид“. Ќе ја дадеме целата наша поддршка за Мартин да се излечи- изјави Мукаетов.
Бебето Мартин Мицев неодамна е оперирано во Македонија и ќе следува негов постоперативен третман на клиника во Германија.