Меси три седмици надвор од фудбалските терени

Фудбалерот на Барселона, Лионел Меси поради повреда добиена на синоќешниот натпревар со Атлетико Мадрид ќе отсуствува од терените најмалку три седмици, пренесуваат шпанските медиуми.

Ѕвездата на каталонскиот клуб излезе во средината на второто полувреме поради повреда на бутниот мускул.

Меси ќе ги пропушти дуелите со Борусија Менхенгладбах во Лигата на шампионите, како и средбите од Примера со Спортинг и со Селта Виго.

Неизвесно е дали најдобриот светски фудбалер ќе закрепне до дербито во групата од ЛШ против Манчестер Сити закажано за 19 октомври.

Дуелот Барселона – Атлетико Мадрид заврши без победник 1:1./МИА