ИД ги принудува семејствата во Мосул да даваат на новороденчињата “прифатливи” имиња

Терористите од групата “Исламска држава”, кои го владеат ирачкиот град Мосул,ги поттикнуваат младите родители во градот да им даваат на своите деца само имиња кои се сметаат за прифатливи на територијата на “калифатот”, соопшти Телевизискиот канал “Ас Сумарија”.

Екстремистите наредиле на стотина семејства за 24 часа да ги сменат имињата на новородените деца, бидејќи избрале “неприфатливи”.

Во спротивно терористите ќе ги менуваат по своја проценка “неправоверните” имиња.
Во последните неколку дена борците на ИД започнале со унифицирање на документите на новороденчињата. Имињата на повеќе од 120 бебиња биле проценети како неприфатливи.