Ватикан ја осуди изјавата на десна католичка радио станица, која рече дека серијата земјотреси, кои ја зафатија Италија во последните три месеци, е “божја казна” затоа што земјата ги дозволила истополовите граѓански бракови, пренесе Ројтерс.
“Ваквите тврдења се навредливи за верниците и скандалозни за неверниците”, рече заменик државниот секретар на Светата Столица Анџело Бечу, цитиран од италијанските медиуми.
Тој побара жртвите на земјотресите да простат за коментарите, направени оваа недела од портпарол на католичкото радио Марија.
Тогаш портпаролот рече дека земјотресите во централна Италија се “божја казна” за човечки гревови, меѓу кои тој конкретно го посочи усвоеното во мај решение за решавање на истополови граѓански бракови во Италија.
Според Бечу Радио Марија, кое претходно било критикувано за антисемитски коментари, “треба да го омекне јазикот” и да ја заземе црковната повелба за милосрдие.