TOP NEWSВидеоПрепорачаниСпорт

(ВИДЕО) Десет избодени по крвава тепачка меѓу фудбалски навивачи во Киев

од desk3
104 прегледи

Десет лица се примени во болница со исеченици, откако стотици навивачи на “Динамо” Киев и “Бешикташ” се судрија во украинската престолнина пред натпреварот на двата тима од групната фаза на Лигата на Шампионите во вторникот (6-ти декември).

Околу 600 Ултраши учествувале во судирите во близина на стадионот “Олимписки”. Поддржувачите на турскиот тим беа нападнати од оние на “Динамо” со ножеви и палки, пренесува “Ројтерс”.

Неколку дена пред дуелот навивачите на “Бешикташ” запалија знаме со амблемот на противникот, што предизвика конфликт помеѓу двата тима.

Атмосферата на трибините за време на самиот натпревар, исто така беше вжештена. Навивачите се гаѓаа со седишта, а навивачите на “Бешикташ” користеа бомби и димни бомби. Дојде и до судири со полицијата, а некои од Ултрашите дури ја преминаа границата, упаднаа во ложите на новинарите.

Тимот на “Динамо” го декласираше турскиот тим со 6: 0, но го заврши своето учество во европските натпреварувања. Украинците сепак го прекинаа тимот од Истанбул да се рангира за осминафиналето на Лигата на шампионите.

Директорот на организацискиот комитет на Европското првенство во 2012 година Маркијан Лјубкивскиј изјави дека ексцесите се резултат на погрешна проценка на ризикот од слични судири и слабите мерки за безбедност. Случката е во многу незгодно време, бидејќи Киев ќе биде домаќин на финалето на Лигата на Шампионите во 2018 година

“Имам внатрешни информации дека ќе има сериозна реакција од УЕФА. Се очекува и двата клуба да имаат солидни санкции. Раководството на УЕФА е силно загрижено, бидејќи тука ќе се одигра финалето на Лигата на Шампионите по помалку од една година и половина”, коментира Лјубкивскиј.