(ВИДЕО+ФОТО) Во Истанбул е страшно: Луѓето бегаат во паника, извештаи за жртви, по вечерашните експлозии

На местото на експлозијата избувнал пожар.
Најмалку пет лица загинаа по експлозиите кои го потресоа центарот на Истанбул, бројот на повредените е околу 20, информираат локалните медиуми. Две експлозии избувнаа во турскиот град вечерва. Едната бил во близина на фудбалски стадион, а другиот – до централниот плоштад Таксим. Очевидци објавија снимка.
На местото на експлозијата избувнал пожар. Според прелиминарните податоци, бомбата можеби била поставена во паркирано возило во близина на стадионот.По експлозијата на стадионот настанала паника. Луѓето бегаат на сите страни. Експлозијата во близина на стадионот “Водафон Арена” во турскиот град Истанбул дојде неколку часови по фудбалскиот натпревар помеѓу тимовите “Бешикташ” и “Бурсаспор”, пишува интернет изданието на весникот Hurriyet.

Кон местото на инцидентот се испратени амбулантни и противпожарни возила. Кон едниот тргнала и воена техника.

Се уште не е јасно кој е одговорен за двата бомбашки напади. Инаку, новите цели за напади на исламските терористи од ИД се амбасадите на Турција, вклучувајќи и дипломатската мисија на Анкара во Софија

Новиот портпарол на терористичката организација Абу Хасан ал Мухаџир ова го соопшти за телевизискиот канал Ал Фурка и ги повика поддржувачите на ДАЕШ за напади по сите клучните структури на турските власти особено во Европа, пишува провладиниот весник “Јени Шафак”. Новиот план е одговор на операцијата на турските вооружени сили во Сирија “Штитот на Еуфрат”, која ги истурка џихадистите далеку од границата со Турција.