Во замрзната вода нема меурчиња, ронки, пукнатини и други знаци за тенок мраз. Дебелината на мразот е 5 сантиметри. Иако ретко ги споделува искуствата на страната на Facebook, овој пат Пуано објави слики. За сликите имаше зголемено внимание, иако Пуано не смета дека феноменот е чуден. Тој објаснува дека езерото замрзнува на тој начин од време на време. Човекот живее крај езерото Шарлевуа сите овои 63 години и видел сличен кристален мраз веќе пет пати. “Не мислам дека во овој феномен се крие голема мистерија”, коментира Пуано.
– “Кога ветрот е мртовечки тивок и водата е блиску до точката на смрзнување, тогаш замрзнува така идеално”. Ноќта пред снимањето беше токму таква – со температури блиски до 0 ° C, без ветер, снег или други врнежи и благодарение на тоа водата во езерото е секогаш исклучително чиста.
Џорџ Лешкевич (George Leshkevich), кој го проучува создавањето на мраз во Големите езера како научник физичар од Националната океанска и атмосферска администрација (NOAA) во текот на 44 години, коментира дека кога температурата на воздухот е толку ниска што водата губи голем дел од својата преостаната топлина, големи совршено оформени форми на мраз и кристали можат да растат надолу во длабочина на водениот слој без пречки како седименти, меурчиња или движење на водата. На Големите езера Лешкевич го забележал истиот транспарентен мраз со дебелина 76 сантиметри.
