Британскиот министер за одбрана Мајкл Фалон  ја обвини Русија дека се обидува да ја ослабне НАТО и да ги  дестабилизира западните земји, пренесе ТАСС. Алијансата треба да стане поконкурентна во сајберпросторот, за да и се спротивстави на Русија, истакна Фалон во говорот на Универзитетот во Сент Ендрјус во Шкотска.

Тој ги наведе  како конкретни  руски мети САД, Франција, Германија, Холандија, Бугарија и Црна Гора.

“Русија очигледно го  тестира НАТО и Западот. Таа се стреми да ја прошири својата сфера на влијание, да ја дестабилизира земјата и да ја ослабне Алијансата. Станува збор за поткопување на националната безбедност на многу наши сојузници”, изјави британскиот министер за одбрана.

Фалон  ја повика Велика Британија и Европа да ја задржат НАТО силна, за да се сопре  Русија. Алијансата и Западот како целина треба да се противат на “дезинформациите по советски модел” и поконкретно на “такви средства за пренос на информации како телевизија” Раша тудеј “, повика тој.

Во исто време, британскиот министер за одбрана ја  призна потребата од соработка со Русија. Тој го поддржа стремежот на новиот претседател на САД Доналд Трамп да воспостави целосна соработка со нив.