Снежна бура го  затвори седиштето на ОН и училишта во Њујорк, стотици летови беа откажани.

Стотици училишта во државата Њујорк беа затворени поради моќна брзо движечка бура што го зафати североисточните држави и се очекува да натрупа до 30 сантиметри снег во некои области, пренесоа американските медиуми.

Затворени беа училишта во градот Њујорк, Филаделфија и Бостон. Седиштето на ОН беше затворена за денот, а беа откажани сите манифестации и седници.

Околу 1700 летови беа откажани на трите главни аеродроми на Њујорк поради зимската бура.

Националната метеоролошка служба на САД предупреди дека во областа на Бостон и во Источен Мејн може да се насобере меѓу 20 и 40 сантиметри снег. Предупредување за снежна виулица беше издадено и за целиот Лонг Ајленд.

Прогнозите се движат од десетина сантиметри снег во централниот дел на државата, до 30 сантиметри и повеќе во долината на реката Хадсон, град Њујорк и Лонг Ајленд.

Во некои области на Њујорк се очекуваа налети на ветрот до 72 км / ч. Се очекуваше бурата да продолжи меѓу 6 и 10 часа.