Францускиот парламент денеска усвои закон за моралност во политичкиот живот со кој им се забранува на политичарите да вработуваат членови на своите семејства, што претставува еден од најголемите чекори преземени од претседателот Емануел Макрон.
Законот им забранува на министрите, пратениците и членовите на локалните власти да ги вработуваат венчаните или невенчаните сопружници, родители и деца, со закана дека ќе бидат казнети со три години затвор и 45.000 евра. Макрон вети брзо усвојување на законот откако претседателската кампања ги доведе во прашање подобностите на некои кандидати. Особено беше погоден кандидатот на десницата, Франсоа Фијон, осомничен дека на својата сопруга и децата им обезбедил фиктивни делувања со парламентарни соработници.
Законот го поддржаа 383 пратеници, тројца беа против, а 48 воздржани.