104
Возачот на Мерцедес Луис Хамилтон победи на денешната трка за Големата награда на Белгија што се возеше на патеката Спа. Тој денеска ја возеше својата 200.та трка и ја постигна 58.та победа.
Британецот Хамилтон ја доби тешката борба на 44-те кругови со возачот на Ферари Себастијан Фетел, кој го освои второто место. Трет трката ја заврши Даниел Рикардо од Ред Бул.
Кими Раиконен од Ферари заврши на четвртото место откако доби казна од 10 секунди, заради непочитување на жолто знаме.
Валтери Ботас стигна како петти, а Нико Хулкенберг го освои 6.место.
Во генералниот пласман лидер остана Фетел со 22- бодови, пред Хамилтон со 213, додека Ботас е трет со 179.
Кај конструкторите води Мерцедес со 392 бода, пред Ферари со 348.
Следната трка се вози на патеката Монца за ГН на Италија на 3.септември./МИА