Српскиот претседател Александар Вучиќ ги повика Србите во Косово да не ја напуштаат земјата со
која живеат со векови. Тој го рече ова за време на посетата на манастирот Бањско во Косово.
“Мојата порака до Србите во Косово и Метохија е дека тие мора да се справат со тешкотиите и да останат во своите домови”, рече Вучиќ. “Српската држава помогна и ќе продолжи да помага уште повеќе во иднина. Ние нема да ги напуштиме нашите земји каде што отсекогаш сме живееле “, додаде српскиот претседател.
Вучиќ истакна дека српската влада поддржува 170 проекти во 42 цркви и манастири во Косово. “Ние продолжуваме да им помагаме на нашите сонародници во Косово и Метохија да го зголемат нивниот број и да го зачуваат својот имот . Сакам да им се заблагодарам на сите Срби во Косово и Метохија за нивната храброст, истрајност и волја за зачувување на нивната татковина Србија и нивните семејства “, рече тој.
Дводневната посета на Вучиќ на Косово е во позадина на убиството на српскиот политичар Оливер Ивановиќ во Косовска Митровица. Во првата половина на овој ден тој го посети манастирот Банско во северно Косово, потоа замина во Косовска Митровица, каде што се сретна со жителите на градот.
Под силни мерки на безбедност претседателот на Србија, Александар Вучиќ денеска го посети Косово. Тој во северниот дел на Косовска Митровица положи венец на местото на кое беше убиен лидерот на Граѓанската иницијатива „Слобода, демократија, правда“, Оливер Ивановиќ.
– Ние ќе ги почекаме конечните резултати од истрагата, а доколку тоа не се случи, многу работи ќе ни бидат појасни, изјави Вучиќ и упати три пораки до Србите на Косово.
– Првата е е дека Србите мора да останат во Косово, втората е дека дојдов да разговарам за тоа кој може да им ја гарантира безбедноста и трета дека власта во Србија мора да се справи со криминалот и корупцијата во сопствените редови, наведе Вучиќ
Српскиот претседател упати порака и до Албанците дека и покрај повеќе деценијскиот спор, Србија ќе даде се од себе да го сочува мирот.
Вучиќ во Косовска Митровица имаше средба и со преставниците на косовските Срби, а од Граѓанската иницијатива, чиј лидер беше Оливер Ивановиќ, изјавија дека никој не ги поканил на овој разговор.
Српскиот претседател во Косово е придружуван од директорот на канцеларијата за Косово Марко Ѓуриќ и од директорот на разузнавачката служба БИА, Братислав Гашиќ./ TASS