Вучиќ, Ердоган и Изетбеговиќ се состанаа во Истанбул. Србија го почитува територијалниот интегритет на Босна и Херцеговина  и Дејтонскиот договор, рече Александар Вучиќ, јавува Танјуг.

Единствено што Србија сака од босанските муслимани е Србите во Република Српска и насекаде во Босна и Херцеговина  да се чувствуваат безбедно , рече српскиот претседател во Истанбул. Коментарот на Вучиќ го следи трилатералниот состанок со турскиот претседател Реџеп Тајип Ердоган и Бакир Изетбеговиќ.

“Бидејќи не сакаме да се  поткопа територијалниот ви интегритет, ние сакаме да имате ист однос кон Република Српска , која е создадена со Дејтонскиот договор на територијата на Босна и Херцеговина. Мислам дека овие работи се јасни и јас верувам дека секој разговор е добар “додаде Вучиќ.

  Тој додаде дека разговорот со Изетбеговиќ е “добар и отворен, главно во однос на заедничките односи меѓу Србите и Босанците , како и односите во Босна и Херцеговина и помеѓу Србија и Босна и Херцеговина”.

“Најважно за луѓето е – Убеден сум дека ќе успееме со заеднички напори да обезбедиме траен и сигурен мир и за народот на Србија, Босанците, Хрватите и за сите што живеат во Босна и Херцеговина”, рече Вучиќ.