Фигура на претседателот на Србија поставена е во еден ресторан, а реакциите на граѓаните се урнебесни.
Сопственикот на белградскиот ресторан се досетил како да привлече гости, па сега во неговата кафеана на една маса седи „Вучиќ“, а оној кој сака да вечера со претседателот мора да направи резервација. Секако, масата е постојано зафатена.
Телото на Вучиќ е направено од пластика, а главата од гипс.
„Идејата за скулптура на претседателот на Србија да ја поставам во кафеаната беше од маркетиншка природа и се покажа како чист погодок, вели Звездан Пејовиќ, сопственик на кафеаната „Денес“, и додава дека објектот не го рекламирал, но фотографиите на посетителите брзо се рашириле по социјалните медиуми, па сега постојано е зафатена „претседателската маса.
Фигурата седи во кафеаната веќе дваесетина дена, а гостите веќе навикнале на неа.
„Поделени се мислењата на оние кои доаѓаат. Некои притрчуваат да го гушнат, а други луто плукаат на под“. вели Пејовиќ.
Една госпоѓа му пришла и му кажала се што мисли за неговата политика, но и за лошата состојба во која живее.
Сепак, највпечатлив му е моментот кога четиригодишно девојче побарало да се фотографира со претседателот, а кога тој го зел телефонот, таа му рекла, само нешто да му шепнам.
Влегле и двајца припадници на партијата на Вучиќ и се вкопале во место, па рекле: мислевме дека навистина е командантот.
За својата фигура во ресторанот Вучиќ не знае, но сопственикот го кани да дојде. Знае претседателот на општината кој доаѓа од редовите на партијата на Вучиќ.
Пејовиќ вели дека забрането е исмевање со претседатело, иако има онакви кои би му ставиле рогови, но и девојки кои би му седнале во скутот. Но, тоа е забрането.
На прашањето до кога планира да го има Вучиќ во кафеаната, Пејовиќ вели: Па мој е.
Ако тој му донесе пари, планира да постави скулптури на Тито и на Путин.
Скулптурата на Вучиќ ја правела уметницата Марија Јовановиќ цели шест месеци. Сопственикот е задоволен од учинокот, а коментарите по сцијалните мрежи во главно се позитивни.