Шпанскиот премиер Меријано Рахој денеска е сменет од функцијата, откако тој не го помина гласањето за доверба на владата во шпанскиот парламент. Обраќајќи се до пратениците рече дека е горд на својата работа.
„Чест е да се остави подобра Шпнаија од онаа која ја презедов. Им благодарам на сите Шпанци и среќно“, порача тој пред самото гласање, со што го потврди поразот и пред одлуката да биде донесена.
Рахој е сменет поради минатонеделната пресуда за корупција на некои поранешни членови на неговата конзервативна Народна партија.
За смена на Рахој гласаа 180, а 169 пратеници беа против, додека еден беше воздржан.
Во Шпанија гласањето против новиот премир значи и избор на нов, па второпласираната партија на изборите од 2016 година, Социјалистичката, го предложи Педро Санчез за кандидат.
По гласањето рахој (63) му пријде на Санчез (46) и му пружи рака.
Се очекува Санчез да ја преземе должаноста во понеделник и да именува свој кабинет.
✊🌹 Un gran día para la democracia. Sale adelante la moción de censura al gobierno de Rajoy. Vamos a trabajar con responsabilidad para recuperar la dignidad que merece nuestro país.
Un #GobiernoDeLaDignidad con @sanchezcastejon. pic.twitter.com/vFdTGuOCcd
— PSOE (@PSOE) June 1, 2018